作者： 米奇‧艾爾邦(Mitch Albom)
出版社：大塊文化
出版日期：2004/10/27
(以下讀後感有雷)
讀大學果陣返PART TIME係學校做帶位員果陣，正值係《相約星期二》既舞台劇演出，果陣當值睇足咁多場，內容唔記得但記得係幾有深度既故事。之後知道作者有寫《在天堂遇見的五個人》，不過無特登買黎睇。前排漂書獲得，今日終於拎起左黎睇，一睇就陷入左故事入面，都唔係好深奧，結果一日就睇晒了。
主角係一個叫艾迪既老伯，職業係一個海邊遊樂場既維修員，每日做住一樣既工作。一生過得鬱鬱不得志，覺得自己微不足道，成世人一事無成。最後係佢８３歲生日當日，佢捨身救左小女孩一命，係天堂遇見五個人，審視返自己既一生。
他的人生計劃從來沒有實現。他無奈，只好承認自己就是這樣了，以後也永遠這樣了。(P.13)
第一個人：藍膚人
沒有那一個故事是單獨存在的。有時候，故事與故事會在轉角相遇；有時候，一個故事會踏上另一個故事。(P.19)
我們以為這種事情是隨機發生的。但是，所有事情之中都有平衡存在。一消，一長。生與死，都是整體的一部份。(P.73)
其實佢兩個係互不相識，但係小時候既艾迪為左執波衝出馬路，而間接害死左開緊車既藍膚人，所以藍膚人就係佢係天堂見到既第一個人。係尼一個階段，艾迪理解到世上既事情係環環相扣，即使兩個人未必係好熟，甚至完全唔認識既，都會影響到對方既生命。
藍膚人既生命都好慘，因為屋企窮，十歲就無得讀書出黎同父親一齊打工。天生敏感容易緊張，比工頭嚇到賴尿，令到父親沒有面子。但係即使成年後，佢都仲係會尿床，有一日比父親發現，從此就被父親放棄。佢好想改善自己既精神問題，於是睇醫生，當時既醫生叫佢食硝酸銀，於是越飲越多，結果皮膚都變埋色，最後入左劇團先可以維持生計。
而我覺得幾有趣既係，對於艾迪黎講，海邊既遊樂場係佢想逃離既地方，但海邊遊樂場對於藍膚人黎講係天堂，因為佢終於有「自由」。現實都有可能係咁，你行快一步結果架車撞中既唔係你，又或者因為機緣巧合下係果個場合出現繼而認識到某啲人然後又一齊發生過一啲可以改變到你命運既野事。
第二個人：小隊長
我們都曾經做過犧牲。可是，你對於自己的犧牲感到憤怒。你一直想着自己失去了什麼。（ P132 ）
犧牲是人生的一部份。犧牲是應該的。犧牲沒有什麼好悔恨的，卻是值得嚮往的事情。（ P.132）
艾迪係天堂遇到既第二個人，就係佢當兵時所屬隊伍既小隊長，故事講述佢地係菲律賓作戰被俘虜既事。係親眼見到伙伴被敵軍殺死後，最後佢地反抗，殺返敵軍，最後決定要放火燒個戰俘營然後撤退。
係艾迪放火燒最後一間屋既時候，佢見到火海入面有個小黑影，發左癲咁係都要衝入火場找死，但佢所有隊友認為係佢眼花。由於阻止唔到佢入火場找死，於是小隊長開槍射佢隻腳，稔住應該會好得返，點知從此艾迪成為殘障人士，亦令佢對生命充滿怨恨既原因之一。
所以當佢知道果槍係小隊長開既時候，即使已身在天堂，佢都嬲到打小隊長一獲。
不過返到家鄉之後，艾迪無再見過隊友同小隊長，佢以為小隊長係另一個戰場到死左。佢地成班隊員係火海救左艾迪之後，抬佢上車，去到一個閘口，小隊長落車視察既時候，踩中左地雷即場被炸到粉身碎骨。
小隊長尼一到教艾迪既係「犧牲」。軍人世家出生既小隊長講過，佢唔會留低任何一個手足唔理，佢之所以開槍射艾迪，係因為佢知道艾迪再衝向火場到會死。我覺得應該可以講為付出，艾迪付出左佢隻腳，換黎佢既生命。而小隊長付出佢既生命，換黎其他隊員既生命，守住自己既諾言。尼一段既故事想講既係，每個人能活下來／或者有兒家既生活，可能係別人犧牲左一啲野既成果。例如，小朋友既出生，健康成長，係父母犧牲左自己既休息時間，想做其他野既儲蓄等等而換黎。
第三個人：路比婆婆
所有父母都會傷害子女。這是沒辦法的事。年少歲月好比最純靜光滑的玻璃，凡是為了拿取它而造成的痕跡，它照單全收。有些父母在玻璃上抹了髒污,有些造成裂縫，有些則是把子女的童年徹底摔成銳利的小碎片，無法修補。（ P.146）
父母很難得會放開自己的孩子，因此便由做子女的來放開父母。孩子們往前走;孩子們離開。(P.173)
路比婆婆係海邊遊樂園既初代老闆娘，起初係佢老公想起尼個樂園係送比佢既禮物。但原來佢同艾迪一樣都會想「如果尼個樂園最後無存在過就好了」。路比婆婆之所以咁想既原因，係因為最後尼個樂園發生左事故，令到佢丈夫一無所有，同埋死左好多人，最後佢丈夫好早就死左了。而艾迪咁稔，係因為覺得尼個樂園困住在佢既一生。
尼一ＰＡＲＴ講既係講父子關係。艾迪覺得父親由小到大，都忽視他。他從戰場回來後，一直悶悶不樂，他父親要他馬上找工作並想揍他，然而他反抗後，兩父子從此便沒有說過一句話。然而在父親死前，卻終於喊出艾迪的名字，只是艾迪已經不能聽到。
路比婆婆讓艾迪看到他父親死亡的原因，原來是父親的好友事業不如意，喝醉後曾經想強姦他母親，最後父親趕回家中，撞破事件，最後友人跑到海邊自殺，他父親原諒了好友，用盡力氣救了好友，卻因此患上肺炎最後死了。而要照顧精神一漸變差的母親，艾迪搬回老家，並做著之前父親在遊樂場的維修員工作，而呀哥卻飛黃騰達，可以去見識更多，於是更加嬲父親。
這ＰＡＲＴ艾迪要學習的是「寬恕」。我覺得，這裡著墨不多的是艾迪為什麼就馬上原諒了父親。
反而一路睇落去既係，有關艾迪既家庭畫面，都係佢爸食煙飲酒，同朋友玩牌唔理小朋友。但有一ＰＡＲＴ，係佢父親同母親講過，佢呀哥喬係唔捱得既小子，暗指佢其實係對艾迪有期望，然而可能係果一代既父母都唔會將自己內心既期望講出黎吧。於是當艾迪由戰場返黎，佢爸對於艾迪從此就殘廢一定感到痛心，所以其實當佢叫艾迪去搵野做果陣，我覺得都係接受唔到佢個仔殘廢既事而吶喊吧。但係佢尼啲舉動，其實已經對艾迪做成磨滅唔到既傷害，可能係理解到父親既心情，最後艾迪選擇寬恕父親吧。
第四個人：瑪嘉麗特
愛，就像雨水，可以從表面開始滋潤，讓一對愛侶全身浸潤在喜悅裡。然而，有時候人生的怒火由上往下烘烤，愛情的表面就乾涸了，這是一定得重底層補充養分，照顧根部，維持愛情的生命。（ P.224 ）
記憶變成你的伴侶。你灌溉他，你擁有他。你與記憶共舞。人生總會結束，愛沒有終點。（P.236）
瑪嘉麗特係艾迪１７歲當兵之前已經相識，佢地互相相愛，最後結為夫妻。可惜因為瑪嘉麗特身體關係，懷唔到ＢＢ，然而佢地都想有小朋友，所以稔住領養，正當佢地儲到一筆錢既時候，艾迪拎左筆錢去賭，瑪嘉麗特開車去搵艾迪果陣，遇上交通意外差Ｄ死，最後筆錢變左用黎醫病，就無再提領養既事。然而尼件事令佢地既關係曾經跌到冰點，最後又因愛拉返埋一齊。
同瑪嘉麗特生活既日子應該係艾迪既人生中最快樂既日子，然而瑪嘉麗特４０幾歲就患病死亡，艾迪好嬲點解瑪嘉麗特咁早就過生，丟底佢一個人。愛係人生中係一個好重要既部分，有好多人生活在世上只係想有一個可以同自己共渡餘生既人，而即使幾相愛既人都好都會有意見分歧，互相傷害，同未能理解對方既時候，但係想返當初點解會中意上對方？就好似兩夫婦係海邊想起當年…珍惜每一日，因為有對方既陪伴唔係必然。
第五個人：塔拉
正當我知道最後一個係小妹妹果陣，我以為艾迪最終都無救到人，然而原來尼個小妹妹就係艾迪係菲律賓到放火殺死既小朋友，即係話艾迪當時真係無睇錯到！
我覺得尼一到係講緊，佢內心始終都係相信屋入面係有人，佢一直都放唔底，而係天堂遇到塔拉之後，佢先真正釋懷。佢對住塔拉喊，係因為佢一直都內疚，但又因為唔知係咪真係殺左人而猶豫。
而最後佢終於得知，佢人生既意義就係透過係遊樂園到做維修員，守護住眾多小朋友。而每個人都有佢既使命，即使覺得自己好微小都好，其實都可以影響到別的生命呢～（其實睇到一半都已經估到係尼樣野）
最後我覺得尼句講得幾好：
沒有誰的生命是白白浪費掉的。如果花時間去想着自己有多麼孤單，那才是浪費時間。（ P.75)
其他我覺得講得幾好既語錄:
- 所有的結局也都是開始。只是在發生的當下我們不曉得。(P.7)
- 男人不管年紀多大，內心都有一個奔跑着的小男孩。(P.47)
- 美麗的風景假如不能讓人得到安慰，他就沒有意義。(P.55）
- 假如你被全世界棄之不顧，這時就算有人丟一塊石頭過來，也是值得珍惜的事。(P.64)
- 公平不能決定生命與死亡，如果公平能夠決定人的生死，好人就不會短命。(P.72)
- 我們所有的人，彼此之間都有關連。你沒辦法讓一個生命單獨存在，就像你沒辦法把一陣微風從風裏面分離出來。（P.72)
- 所有的行為都不是隨機而無意義的。(P.72)
- 陌生人，是你遲早會認識的家人。(P.74)
- 人世間一個又一個的哀傷故事，幾百年來傳頌着人們是如何誤以為拾起武器就叫做勇敢，而錯把放下武器視為懦弱。（P.86）
- 想獲得平靜，你必須先跟自己和解。(P.157)
- 在你出生以前所發生的事情，還是會影響到你。比你早來到這世上的人，也會對你造成影響。(P.170)
- 我們每天進出的場所，如果沒有前人的付出，今天就絕對不會存在。(P.170)
- 心中留着憤怒，對人是有害處的。憤怒會腐蝕你的內心。（ P.192 ）
- 我們以為怨恨是一項武器，可以用來攻擊那些傷害過我們的人。可是仇恨是一把彎曲的刀；我們造成了傷害，其實是傷害了自己。（P.192）
- 愛情有各種形式，每一個男人女人所認為的愛情並不相同。因此，人們找到的是「某一種」愛。（P.212）
- 失去的愛仍然是愛，只不過形式不一樣了。（P.236）